Pentecostal Youth Department

PENTECOSTAL YOUTH DEPARTMENT

Report, 2015

 

- Upa Vanlaldinthara

Secretary, General PYD

Kumpuan - ‘Takna leh Dikna’ (I Korinth 5:8)

 

1. GENERAL HRUAITUTE:  

  • President : Upa H.Lalrintluanga, Bawngkawn  
  • Vice President : Upa R.Vanlalruata, Saiha
  • General Secretary : Upa Vanlaldinthara, Durtlang
  • Asst. Secretary : Tk.K.Lalhmingsangzuala, Govt. Complex
  • Treasurer : K.Lalnuntluanga, Nursery

Executive Board Member-te: 

  • 1) Upa P.C Laltlanchhuaha, Dawrpui Vengthar
  • 2) Upa H. Lalremruata, Sairang
  • 3) Upa Ngurthanzaua Sailo, Bethlehem Vengthlang
  • 4) Upa Malsawmtluanga, Bazar
  • 5) T.Upa C. Laldinsanga, Nursery
  • 6) T.Upa Zirsangzela, Bawngkawn
  • 7) Unaupa Lalruatmawia, Chawlhhmun
  • 8) Unaupa Lalawmpuia Sailo, Keifang
  • 9) Unaupa C. Lalmuanpuia, Durtlang
  • 10) Unaupa C. Lalbiakkima, Chaltlang

 

2. STATISTIC:

  • Pastor Bial awm zat - 72
  • Bial PYD Report dawn zat - 61
  • Report lo bial awm zat-11
  • Tualchhung PYD ding zat-251
  • Member zawng zawng zat - 9679
    • 1) Mipa zat-5217
    • 2) Hmeichhia - 3462
  • Lehkha zirlai awm zat - 2644
  • Zuk leh hmuama fihlim zat - 1900
  • Innei thar zat - 209
    • Lehkha tar-65
    • Lehkha tar lo-144 
    • Lehkha tara innei percentage - 31%
  • Tui Baptisma chang thar zat - 802

 

3. HMALAKNA LEH RAWNGBAWLNA:

2015-16 term tharah PYD Office Bearer-te hian Ni 6.1.2015-ah charge lain, Ni 8.1.2015-ah Executive Board form a ni a, Ni 16.1.2015-ah Executive Board hmasa ber thut a ni a, Executive Board thar form hnuah hian Board vawi 9 neih a ni tawh a, Ni 25.11.2015-ah General Board neih a ni bawk. Kum 2015 chhunga General PYD rawngbawlna leh hmalaknate chu hengte hi a ni.

1)  Kumpuan bawhzuina:

‘Takna leh Dikna’ (I Korinth 5:8) chu PYD-in kum 2015-16 atan Kumpuanah a puang a, Kumpuan programme hawn inkhawm hi Dinthar Mizoram UPC Biakin, Aizawl-ah Ni 18.1.2015 Pathianniah neih a ni. Kumpuan bawhzuina atan hian Thupui Zirbu buatsaih a ni a, he thupui bu hi ram pumah PYD inkhawmah zir thin a ni; tin, kumpuan bawhzuinan hian ram pum huapin article inziahsiak buatsaih a ni bawk. 

 

2) Chawnghei Tawngtai:

Ni 24.5.2015 Pentecost Ni tlaiah a hnuaia thupui thlanchhuah hmang hian ram pumah chawnghei tawngtai  neih a ni. Tawngtai thupui te -

  • Ram puma PYD ruihhlo ngaite tan
  • Thuthlung fate thuthlunga rinawm leh chhel taka kan awm zel thei nan.

  Tin, Ni 13.9.2015 Pathianni tlaiah ram pumah General Conference pualin chawnghei tawngtai neih a ni bawk.

 

3) Sign Board/Hoarding tar:

  Thuthlung lam hawi Pathian thu sign board/hoarding Bial hrang hrangah 80 lai tar a ni.

 

4) Talk Show/Discussion:

  Ni 14.5.2015 zanah Ignite Studio-ah Pathian thu tak sawihona Talk Show buatsaih a ni a, Talk show cassette hi Bial tinah thehdarh turin a thlawnin sem chhuah a ni.

 

5) Seminar:

Ram puma zir turin Seminar Paper chi hrang hrang siam a ni a, Bial eng emaw zatah General hruaituten zirpui an ni bawk. Seminar Paper-te chu:-

  • Zu that lohna
  • Zuk leh hmnuama thianghlimna
  • Mipat hmeichhiatna kawnga thianghlimna
  • Career leh zirna kawnga Pentecost Thalaite hmathlir 
  • Pentecost Thalaite tan Career Guidance

6) Thu leh Hla Kutpui:

Dt.6-7 August, 2015 hmangin Aizawl Vanapa Hall-ah Thu leh Hla Kutpui hlawhtling taka neih a ni. He hunah hian Bial hrang hrang atangin talent nei tha tak takten an talent an pho chhuak a ni. Tin, Kutpuiah hian Pentecost thu leh hlaa sulsutu heng mite hnenah hian chawimawina (trophy) pek an ni.

Thu ziak mi:

  • 1) Rev.Saihnuna, Bungkawn
  • 2) Rev.H.Vanlaltlana, Durtlang
  • 3) Upa R.Lallawmzuala, Headquarters

Hla phuahtu:

  • 1) Rodingliana, Bawngkawn
  • 2) T.Upa K.Vanlalhnema, Chaltlang
  • 3) Rev.Vanlalsipaia, Bazar

  Kutpuiah hian ram pum huap Pathian fakna hla inphuahsiak result puan niin lawmmante sem a ni bawk. 

 

7) Live Crusade: 

 Ni 5.7.2015 Pathianni chhun leh zan hmangin Aizawl Bazar Kohhran Biakinah Live Crusade hlawhtling taka neih a ni. He hunah hian Speaker-ah Pastor K.Lalawmpuia, Kawnpui Bialtu hman a ni.

 

8) Hruaitute fehchhuahna : 

  Report hun chhung hian Conference hmanpui te, Seminar leh Revival hmanpuitein hruaitute bial hrang hrangah feh chhuah a ni.

 

9) Sum leh paia rawngbawlna:

Mizoram UPC Camping Centre tihchhangtlunna atan Rs.30,000/- leh General Missions rawngbawlna atan Rs.50,000/- pek chhuah a ni.

 

10) General PYD Committee pengte rawngbawlna:

General PYD hnuaiah hian PYD kut leh ke Board leh Committee peng pawimawh tak tak 3 a awm a, chungte chu:- 

(1)   Pentecost Meichher Editorial Board:

General PYD President chairmanship hnuaiah Editorial Board din niin Editorial staff  6 leh Board Member 6 an awm a, Literature & Publication Board Chairman chu Ex-Officio Member a ni; an vaiin thawktu mi 14 an awm. He Board hian General PYD leh General LAD-te rawngbawlna chanchin thehdarh hna an thawk a ni. Tunah hian Pentecost Meichher hi a kawm colour mawi taka thuamin thlatin copy 4000 lai tihchhuah mek a ni.

(2)   Social Wing Committee:

Social Wing Committee-ah hian hruaitu (Office Bearer) mi 6 leh Committee Member 7, an vaiin Ex Officio member pakhat nen mi 14 an awm a, anni hian social concern rawngbawlna peng hrang hrangah hma an la thin a ni.  Committee hmalakna hian Bial hrang hrangah Drugs Awareness Campaign leh Career chungchanga kawng inkawhhmuhnate neih thin a ni a, a mamawh apiangte hman atan Blood Donation camp-te pawh hlawhtling taka buatsaih a ni bawk.

(3) Documentation Committee:

Documentation Committee-ah hian hruaitu (Office Bearer) mi 3 leh member 12, an vaiin thawktu Ex Officio Member 1 nen mi 16 an awm a, anni hi General PYD programme leh hmalakna kawng hrang hrang document lo vawng thatu leh PYD property enkawltu an ni.

 

11) General Conference hlawhtling taka neih a ni:

  Ni 25-27 September, 2015 hmangin PYD General Conference vawi 21-na Sakawrdai Field-ah hlawhtling taka neih a ni. He Conference-ah hian palai riaklut (YMA report angin) mi 2013 kan ni. General Conference neihna hmun tur hi ruatlawk thin a ni a, kum 3 chhunga Conference thlenna hmun tur hrang hrang hengte hi a ni:- 2016-ah Vairengte, 2017-ah Mualthuam North, 2018-ah Lawngtlai.