Bethani Board

BETHANI CHILDREN’S  HOME  SOCIETY

Report, 2015

Tirhkoh Lalramchhuanga

Secretary

Lalpa Isua hmingin chibai kan buk a che u. In tawngtaina leh thilpek hlu tak avang leh hmalakna a vangin Bethani Home pawhin nasa takin hma a sawn zel a. Kohhranhote chungah lawmthu kan sawi tak meuh meuh ani. Kan hmalakna tlangpui leh kan dinhmun tlangpuite kan han report ve dawn a ni.

1. HRUAITUTE: 

  • Chairman:Rev. Ngurthanpara Sailo.
  • Vice-Chairman:Tk. Rohnuna Sailo.
  • Secretary:Tk. Lalramchhuanga.
  • Treasurer:T.Upa Lalnunthara.
  • Members:
    • 1) Tk. Liansangkima.
    • 2) Upa J. Lalramliana.
    • 3) Upa.F. Sangmuana.
    • 4) ALJC Representative
  •     Ex-Officio :  
    • 1) Mizoram UPC puipate
    • 2) President General LAD
    • 3) President General PYD
    • 4) Bialtu Pastor.

 

2.   KUM 2015 HMALAKNA LANGSAR ZUALTE:

           Kan Project lian ber Home sak hna chu kum 2015 ah hian chhunzawm zel ani a,kan zo thawkhat ta a. 1st September, 2015 khan General Superintendent Rev. K.Lalfamkima’n a hawng a.Ruai nen ropui leh hlim taka hun hman ani.Hetia kan Building-te kan lo zawh tak avang hian Naupang kan enkawl theih zat (Capacity) pawh sawmngaah tihsan ani a.Naupang sawmnga kan enkawl thei ta ani. Tihfel ngai ang angte pawh Sorkar lamah tihfel nghal anni bawk.Tunah hian General LAD ten Project min neihsak angin Tuizem lian siam tura ruahmanna siam mek ani bawk.

 

3. HOME DINHMUN :

Tunah hian thawktu 11 kan awm mek a. Naupang sawmthum pasarih(as on 16.11.2015) awmin,   mipa Sawmpasarih leh hmeichhia sawmhnih an ni. Sihhmuia Primary School leh Upper Primary School leh JM High School,Sairang ah te an kal a.Zirna lamah pawh an ti tha tlangpui a, tin, an hriselna pawh a tha thawkhat viau a ni. Inrin zanah leh Pathianni zanahte inkhawmna neiin,Pathianni zingah Sande Skul neih thin ani a.Beginner atanga Inter Department thleng an awm.Kan thawktute hna hming leh thawktu kan neihdan chu hetiang hi ani.

  • I) Superintendent 1
  • II) Counsellor 1
  • III) Case Worker 1
  • IV) Nurse 1
  • V) Storekeeper cum Accountant 1
  • VI) House Father   1
  • VII) House Mother 1
  • VIII) Office Assistant cum Data Entry Operator  1
  • IX) House Keeper 1
  • X) Helper 1
  • XI) Cook cum Chowkider 1

Heng zinga pasarih hian a hmunah kan riahchilh a, pali erawh hi chu langa Office rawn kal an ni.

 

TLANGKAWMNA : ‘Central atangin tanpuina an dawng tawh si a,Kohhran ten kan puih an ngai tawh em ni ?’ tih hi zawhna awm thei tak ani a.Heng tanpuina hi dawng mah ila,mamawh tamtak kan la neih avangin kum hnih/thum vel chu General LAD pawh hian min puih ala tul a. Tin, Central atanga tanpuina lokal ah hian, Kohhran atanga kan tum ve tur(Matching share) engemawzat a awm avangin Donations leh Inkhawmpui thawhlawmah te nasa takin kan la innghat a.Kum hnih thum hnuah  chuan keimahniin kan intodelh thei tawh turah kan beisei.Tunah hian Building tukverh leh Kawngkharpui te pawh rawng kan la hnawih theilo a.Tin,Superintendent quarters lamah pawh engmah bungrua kan la neilo bawk.Hengah te hian hma la thei kan awm chuan a lawmawm ngawt ang.He rawngbawlna hi uar sauh sauh ang u.Lalpa malsawm dawnna ani si a.

Lalpa’n malsawm che u rawhse.